Aprelniñ 24-nde Qırım.Aqiqat qurulışınıñ beş yılı munasebetinen «Mıstetskıy arsenalda» «Ukrain cemiyeti ve Qırım – kelecekke baquv» açıq munaqaşası keçirile.
Spikerler – qırımtatar halqınıñ lideri, Ukraina halq deputatı, Ukraina prezidentiniñ qırımtatar halqı işlerinden vekâletlisi Mustafa Cemilev; ukrainalı yırcı, şair ve bestekâr, «Antitela» gruppasınıñ lideri Taras Topolâ; ukrainalı jurnalist, yazıcı, Qırım.Aqiqatnıñ közeticisi Vitaliy Portnikov,
Qırım.Aqiqat canlı yayın köstere.
Moderator – qırımlı jurnalist, Qırım.Aqiqat Radiosınıñ muarriri Aleksandr Yankovskiy.
Alıp barıcı – Qırım.Aqiqat Radiosınıñ prodüseri ve müellifi Yekaterina Nekreça.
Qırım.Aqiqat – Azatlıq Radiosı ukrain bürosınıñ Qırım leyhasıdır – 2014 senesi mart ayında, işğalden soñ ve Rusiyeniñ Qırım ilhaqı vaqtında, çalışıp başladı.
Azatlıq Radiosınıñ Qırım taqımı üç tilde haber saytını yapa: rusça, ukraince ve qırımtatarca, aftada eki kere «24» haber telekanalında ve «Nastoyaşçeye vremâ» halqara telekanalında «Qırım.Aqiqat» televizion programmalarını azırlay.
2015 senesi sentâbr ayında Qırım taqımı Ukraina radiosınen beraber Qırım.Aqiqat Radiosını açtı. O, Qırımnıñ büyük qısmında, Ukrainanıñ cenübi-şarqında ve Rusiyeniñ Şimaliy Kavkaznıñ dağ rayonlarında yayınlana, 2017 senesi sentâbr ayından başlap ise Qırım.Aqiqat Radiosınıñ kanalı gece-kündüz 105,9 FM dalğasında çalışa.
