Qırımtatarlarnıñ milliy lideri, Ukraina halq deputatı Mustafa Cemilev mayıs 18-de Sürgünlik künü qırımtatarlarnıñ numayışı cebren dağıtuv imkâniyetini red etmey.
Bu aqta o, Kiyevde olıp keçken matbuat konferentsiya devamında bildirdi.
Onıñ aytqanı kibi, qırımtatarlar mayıs 18 künü sürgünlikniñ 70 yıllığı munasebeti ile adetiy matem tedbirlerini keçirmege planlaştıra, faqat olarnıñ keçirilmesini Qırımnıñ şimdiki «akimiyeti» begenmey bile.
«Qırımtatarlar milliy bayraqlar ile Ukraina bayraqlarını kötere bileler. Rusiye akimiyetine, bilgeniñiz kibi, bu bayraq qırmızı basma kibi körüne. Böyle alda cebren çeziliş de ola bile. Adiselerniñ er birinde bir de bir ziddiyetniñ olması mümkün», – dedi Cemilev.
O şunı da qayd etti ki, bu yıl Romaniya, Türkiye, AQŞ ve Avropa bir sıra memleketlerinden qırımtatar diaspora temsilcileri Qırımda olmaycaq, çünki yarımadanıñ diger memleketer ile ava bağı yoqtır. Bu da, öz nevbetinde, vaziyetni kerginleştire.
«Rusiyeniñ bayağı uquq qorçalayıcısı kelmek kerek, amma olarğa Qırımğa kiriş yasaq olacağı aqqında da malümat endi bar», – dedi Cemilev. Bunıñnen beraber Cemilev qayd etti ki, Meclis qırımtatarlarnıñ narazılıq numayışı cebir degil de, demokratik olması içün zaruriy işlerni köre.
«Eger de işğalci akimiyet tarafından qattı quvet işletilse, cevap çeşit-türlü ola bile», – dep qoştı Cemilev.
Bu aqta o, Kiyevde olıp keçken matbuat konferentsiya devamında bildirdi.
Onıñ aytqanı kibi, qırımtatarlar mayıs 18 künü sürgünlikniñ 70 yıllığı munasebeti ile adetiy matem tedbirlerini keçirmege planlaştıra, faqat olarnıñ keçirilmesini Qırımnıñ şimdiki «akimiyeti» begenmey bile.
«Qırımtatarlar milliy bayraqlar ile Ukraina bayraqlarını kötere bileler. Rusiye akimiyetine, bilgeniñiz kibi, bu bayraq qırmızı basma kibi körüne. Böyle alda cebren çeziliş de ola bile. Adiselerniñ er birinde bir de bir ziddiyetniñ olması mümkün», – dedi Cemilev.
O şunı da qayd etti ki, bu yıl Romaniya, Türkiye, AQŞ ve Avropa bir sıra memleketlerinden qırımtatar diaspora temsilcileri Qırımda olmaycaq, çünki yarımadanıñ diger memleketer ile ava bağı yoqtır. Bu da, öz nevbetinde, vaziyetni kerginleştire.
«Rusiyeniñ bayağı uquq qorçalayıcısı kelmek kerek, amma olarğa Qırımğa kiriş yasaq olacağı aqqında da malümat endi bar», – dedi Cemilev. Bunıñnen beraber Cemilev qayd etti ki, Meclis qırımtatarlarnıñ narazılıq numayışı cebir degil de, demokratik olması içün zaruriy işlerni köre.
«Eger de işğalci akimiyet tarafından qattı quvet işletilse, cevap çeşit-türlü ola bile», – dep qoştı Cemilev.
