«Bugünki künde çuvallarda qaytqan tek 41 qırımtatarı aqqında haberimiz bar. 22-si – turmuş maddelerine istinaden mahküm etilgenler, olarnı yañı ceza alırlar dep qorquza-qorquza orduğa alğanlar», – dedi Cemilev.
Onıñ aytqanına köre, tek altı kişi Rusiye Federatsiyası Silâlı quvetlerine istep bardı. «Qalğan elâk olğanlar ise – seferberlikten qaçıp olamağanlar. Amma bu raqam tam demek degil. Bir çoq kişi ğayıp oldı. Rusiyeniñ resmiy malümatına köre, «mahsus operatsiya» başlağanından Qırımğa tahminen 786 insan (ceset) qayttı. Vaziyet bu», – dedi Cemilev.
Onıñ qayd etkenine köre, Rusiye Federatsiyası quvetleriniñ vazifesi – narazılıqnı yoq etmek içün «Qırımnı temizlemek». «Amma şunı aytmaq kerek ki, olar qırımtatarlarnıñ qaçqanına, Qırımnı terk etkenine parmaq arasından baqtı. Aynen bunı istey ediler. Biz mından yapqan muracaatlarımızda semetdeşlerimizni Qırımnı terk etmelerine çağırmağan edik», – dep qayd etti halq deputatı.
Qırımtatar halqı milliy lideriniñ tolu intervyüsını cumaertesi künü, mayısnıñ 18-nde, Qırım.Aqiqat saytında ve Qırım.Aqiqatnıñ YouTube kanalında oquñız.
Ukrayına prezidentiniñ Qırım Muhtar Cumhuriyetindeki temsilciliginiñ malümatına köre, işğal etilgen Qırımda Ukrayınağa qarşı cenkleşken 791 insan defin etildi.
Qırım.Aqiqat jurnalistler Qırım ve Aqyardan elâk olğan 720 Rusiye arbiyiniñ kimligini bilip oldı. Rusiye tarafı ğayıplar aqqında resmiy malümat bermey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
