Qırımnıñ işğalden azat etilmesinden soñ ilk evelâ Rusiye memurlarınıñ lüstratsiyasını keçirmek kerek, dep bildirdi qırımtatar halqınıñ lideri, Ukrayina halq deputatı Mustafa Cemilev Qırım.Aqiqatqa bergen intervyüsında. Onıñ aytqanına köre, endi böyle şahıslarnıñ cedvelleri azırlanıla.
"Olarnıñ episi deral yoq etilmek kerek. Olarnı öldürmek kerekmey, amma olarnı izolâtsiya etmek kerek. Bütün bu işbirlikçiler. Ukrayina qanunlarına köre", — dep ayttı Cemilev.
Onıñ fikrince, Qırımğa Rusiyeden köçip kelgen millionğa yaqın insan yarımadanı terk etmeli.
"Qırım köprü alâ çalışa, başqa vaqıtqa qaldırmañız. Soñra işimiz yaramay ola bile. Şunıñ içün tezce çıqıñız. Amma bir çoq insan neçündir mında ebediy qalacaqları aqqında propagandağa qulaq asmay. Bu olarnıñ meselesi. Soñra qaçmağa tırışacaqlar, amma qıyın olacaq", — dep ayttı qırımtatar halqınıñ lideri.
Cemilevniñ aytqanına köre, bir çoq rusiyeli memur Qırımdan qorantalarını çıqardı, amma bunı gizley. Bundan da ğayrı, yarımadada mülk satışı, istilâdan evel olğanına köre, arttı.
"Ticaret, şahsiy evler, kvartiralarnıñ sayısı yedi-sekiz qat arttı. Amma olar pek açuvlıdırlar, böyle fiyatlar kimse satın almağanını köstere. Çoq para talap eteler. Ve soñra bir şey almaycaqlar", — dep tüşüne halq deputatı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
