Qırımtatar halqınıñ lideri, Ukraina halq deputatı Mustafa Cemilevniñ fikirince, Qırımnıñ qurtarılması içün Rusiye dağılmalı. Bu aqta Cemilev «Ukrinform» haber agentligine intervyü berip ayttı.
«Ğarp liderlerine muracaat etip çoq aytqan edi: öz vaqtında Gürcistan toprağınıñ işğal etilmesine iç olmağanda Qırım işğaline kibi cevap berilse edi, belki, Qırım da işğal etilmez edi. Yarımadanı işğalden qurtarmaq içün, belki de, Rusiye dağılmaq kerek. Putinniñ yapqanları buña yol aça», – dep qayd etti Cemilev.
Ukraina prezidenti Petro Poroşenko yañı yıl munasebetinen ukrain halqına muracaat etip, qırımlılarğa «yol ne qadar uzun olsa da, sizge barışıqnen qaytacaqmız», dep ayttı.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
