Ukraina halq deputatı, qırımtatarlarnıñ yetekçisi Mustafa Cemilev «Rusiye prezidenti Vladimir Putinni şahsiy seviyede öz duşmanı olaraq saymağanını» qayd etti.
Bunı o iyün 17 künü Dnepropetrovskta Ukraina gümrük hızmeti Akademiyası studentleri ile körüşüvde bildirdi, dep haber ete Dnepropetrovsk.Kommentarii.
«Vladimir Putinni şahsiy seviyede duşmanım kibi saymayım, oña nefret duymayım. Amma Putin Ukrainağa nisbeten köstergen areket tarzı Rusiye devletiniñ başına lâyıq degil»,– dedi Cemilev.
Cemilevni ve Dnepropetrovsk vilâyet memuriyetiniñ reisi İgor Kolomoyskiyni Putinniñ duşmanları olaraq sayğanlarına onıñ olğan munasebeti aqta sualge Cemilev, bu «Rusiye istilâsına faal qarşılığımız» ile bağlı olğanını ayttı.
Cemilev şunı da bildirdi ki, Ukraina ükümetinde yaqında işğal etilgen topraqlar boyunca nazirlik peyda olacaq eken, olarnıñ arasına Qırım kirmekte.
Bundan da ğayrı, onıñ sözlerine köre, Nazirler kabinetine Qırım boyunca baş nazir vazifesi, Ukraina baş prokuraturasında ise Qırım boyunca mahsus idare kirsetilecek.
Evel Dnepropetrovsk vilâyetiniñ valisi Boris Treygerman iyün 17 künü qırımtatarlar ve Dnepropetrovsk sakinleri arasında Ukraina oğrunda küreşte işbirligi aqqında Memorandumnıñ imzalanuvı planlaştırılğanı aqqında ilân etti. İşbu añlaşmanı Ukraina halq deputatı Mustafa Cemilev ve Dnerpopetrovsk vilâyet memuriyetiniñ reisi İgor Kolomoyskiy imzalamaq kerekler.
Bunı o iyün 17 künü Dnepropetrovskta Ukraina gümrük hızmeti Akademiyası studentleri ile körüşüvde bildirdi, dep haber ete Dnepropetrovsk.Kommentarii.
«Vladimir Putinni şahsiy seviyede duşmanım kibi saymayım, oña nefret duymayım. Amma Putin Ukrainağa nisbeten köstergen areket tarzı Rusiye devletiniñ başına lâyıq degil»,– dedi Cemilev.
Cemilevni ve Dnepropetrovsk vilâyet memuriyetiniñ reisi İgor Kolomoyskiyni Putinniñ duşmanları olaraq sayğanlarına onıñ olğan munasebeti aqta sualge Cemilev, bu «Rusiye istilâsına faal qarşılığımız» ile bağlı olğanını ayttı.
Cemilev şunı da bildirdi ki, Ukraina ükümetinde yaqında işğal etilgen topraqlar boyunca nazirlik peyda olacaq eken, olarnıñ arasına Qırım kirmekte.
Bundan da ğayrı, onıñ sözlerine köre, Nazirler kabinetine Qırım boyunca baş nazir vazifesi, Ukraina baş prokuraturasında ise Qırım boyunca mahsus idare kirsetilecek.
Evel Dnepropetrovsk vilâyetiniñ valisi Boris Treygerman iyün 17 künü qırımtatarlar ve Dnepropetrovsk sakinleri arasında Ukraina oğrunda küreşte işbirligi aqqında Memorandumnıñ imzalanuvı planlaştırılğanı aqqında ilân etti. İşbu añlaşmanı Ukraina halq deputatı Mustafa Cemilev ve Dnerpopetrovsk vilâyet memuriyetiniñ reisi İgor Kolomoyskiy imzalamaq kerekler.
