Link açıqlığı

Meclis azaları qırımtatarlarnıñ Qırım akimiyetine kirgenleri boyunca meselede eki taqımğa bölündiler, dep bildirdijurnalistlerge qırımtatarlarnıñ lideri Mustafa Cemilev.

Onıñ aytqanına köre, yañı akimiyetnen işbirlik qurmağa qarar alınsa, temsiliy organnıñ bir qaç azası Meclisten çıqmağa niyetini bildirdiler.

«Men keçken Qurultayda yoq edim, amma anda: «sizni kimse qorçalamaycaq» degen fikirler seslendirile edi. O qadar ukrain arbiy bölügi bar edi, amma olarnıñ cesürligi yalıñız silânıñ saqlanmasında ve Ukrain gimnniñ icra etilüvinde aksini taptı. Eger de Qırımnı, topraq bütünligini böyle tarzda qorçalasalar, biz neni bekley bilemiz? İşğal vaqıttı yıllarğa bara bile, lâkin halqqa yaşamaq kerek. Ve, belki de, akimiyet terkibinde bir kimseniñ bar olğanı da mantıqiy bir şeydir», – dedi Cemilev.

Lâkin «qanunsız, bandit akimiyetnen» işbirlikte bulunmaqnı kollaboratsionizm olaraq tanımaq mümkün.

Keçken raatlıq künleri Qurultay Mecliske evelleri qanunsız dep tanılğan akimiyetiniñ organlarında çalışmaq içün namzetlerini saylamaq aqqını bergen edi.
XS
SM
MD
LG