Qırımtatar halqı lideri Mustafa Cemilev Kıyivdeki Taraşçanets parkınıñ adınınıñ Qaytarmağa deñiştirilmesini desteklemege çağıra.
"Bugünde Kıyivniñ Darnıtskıy vokzalı yaqınlarındaki ve İsmail Gasprinskiy, Sevastopolskaya, Konstantin Zaslonov (o deñiştirilecek) soqaqları arasında yerleşken Taraşçanets parkınıñ adını dekommunizatsiya esnası çerçivesinde Qaytarmağa deñiştirlmesini desteklemege çağıramız", - dep yazdı o Facebook saifesinde. Rey bermek aprelniñ 16-nace "Kıyiv Tsıfrovıy" qullanımında mümkün.
Qaytarma (ya da qaytuv) - qırımtatar halq oyunıdır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
