Link açıqlığı

Saatnıñ esas haberi

Ne içün Cemilev efsane ola (video)


Ne içün Cemilev efsane ola (video)
Bekleñiz, lütfen

No media source currently available

0:00 0:04:54 0:00

Qırımtatarlarnıñ lideri Mustafa Cemilev – eñ meşur sovet dissidentlerinden biridir. Cemilevniñ qırımtatar halqınıñ aqları oğrunda kreşi on yıllarnen devam ete. Sovetler akimiyeti onı yedi kere mahküm etti. Ömrü devamında tahminen 15 yıl apiste yattı. Apis cezalarından birini çekkende 303 kün devamında açlıq tuttı. Bu narazılıq tarihta eñ uzun sayıla. Qırım.Aqiqat, qırımtatarlar Cemilevni ne içün efsane dep sayğanını ve Qırımğa qaytmasını ne içün beklegenini añlata.

Mustafa Cemilev qırımtatar halqınıñ aqları oğrunda küreşinde boysunmağanı içün halqınıñ ürmetini ve milliy lider statusını qazandı. 1966-1983 seneleri devamında altı kere apiske alınğan edi. Yedi kere mahküm etildi, «sovet qurumını aqaretlegen baqışlarını bildirgeni» içün 15 yıl devamında apiste yattı. 1975-1976 seneleri Omsk apishanesinde 303 kün açlıq tuttı. 1986 senesi azatlıqqa çıqtı.

1991 senesinden 2013 senesine qadar Qırımtatar Milliy Meclisiniñ reisi edi. Mustafa Cemilev – III-VII çağırılış Ukraina Yuqarı Radasınıñ halq deputatıdır. 2014 senesi noyabr ayından başlap – VIII çağırılış Ukraina halq deputatıdır.

2014 senesi avgustnıñ 20-nde Ukraina prezidenti Petro Poroşenkonıñ №657/2014 buyruğınen Ukraina prezidentiniñ qırımtatar halqı işlerinden vekâletlisi vazifesine tayin etildi.

XS
SM
MD
LG