Cemaat ve uquq qoruyıcı teşkilâtlar martnıñ 1-nde içtimaiy ağlarda ''Qırımdan sürgünlik: okeanda bir tamçı'' teşebbüsini başlattılar, o PR Army Where Are Our People? ticar,y olmağan teşkilâtnıñ kampaniyası çerçivesinde ömürge keçirile.
Aktsiya ''Ukrayina. Saba saat beş'' Koalitsiyası, ''Şarq SOS'', ''Qırım SOS'', ZMINA ve Qırım uquq qoruyıcı gruppası ile işbirlikte teşkil etilgen. Bu kampaniya dünya toplulığınıñ diqqatını Qırımdan sürgünlikke, Rusiye Federatsiyasınıñ tek soñki 10 yıl devamında degil de, XVIII asırnıñ soñundan berli keçirgen esnasına celp etmek maqsadınen yapıldı.
Aktsiya teşkilâtçılarınıñ yazğanına köre, 2014 senesi Qırım yarımadası Rusiye akimiyeti tarafından bir qaç kere ukrayin ve qırımtatarlar sürgün etilgen yer oldı. Faallerniñ qayd etkenine köre, 2022 senesi fevralniñ 24-nden soñ rusiyeliler Qırımnı Ukrayinanıñ işğal etilgen topraqlarından sürgün etilgen ukrayinalılar, hususan balalar içün keçiş noqtası ya da vaqtınca yerleşüv merkezi olaraq qullanmağa başladılar.
''Rusiyeliler akimiyetni quvetleitirmek ve topraqnı müstemlekeleştirmek içün insanlarnı sürgün ete. Eger Ukrayina Qırımnı işğalden azat etse, Kremlniñ sürgünlik içün imkânları azca olur, çünki yarımada bu siyasetniñ esas strategik noqtalarından biridir. İçtimaiy ağlarda paylaşuvlar yapıp, halqara toplulıqnıñ diqqatını Rusiye Federatsiyasını insanlıqqa qarşı yapqan cinayetleri içün mesüliyetke çekmek içün celp etiñiz", - dedi Anastasiya Marushevskaya, PR Armiyasınıñ tesisâtçılarından biri ve Where Are Our People? leyhasınıñ koordinatorı.
"Er bir ses serbestlik ve adalet içün küreşte müimdir, çünki men deñizde bir tamçıdırım", - dep aytıla haber kampaniyasınıñ iştirakçileriniñ saifelerinde derc etilgen ilk yazıda.
"Qırımdan sürgünlik: okeanda bir tamçı" teşebbüsiniñ teşkilâtçıları dünyanı diplomatik basqı ve Rusiyege qarşı sanktsiyalarnı quvetleştirmek, Rusiyeniñ sürgünlik siyasetini halqara seviyede tanımaq ve halqara birdemlikni celp etmek maqsadınen teşebbüske qoşulmağa çağıralar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
