"Portretlerden biri hayriye mezatta sergilenecek, para ise Ukrayina mudafaa quvetlerine berilecek. Ekinci resim Temsilcilik ofisinde, halqımıznıñ azat etilmesi içün küreş devam etkenini hatırlatmaq içün qalacaq", — dep aytıla Ukrayina prezidentiniñ Qırım Muhtar Cumhuriyetindeki temsilciliginiñ haberinde.
Bundan da ğayrı, müessisede qırımtatarğa ziyaret ve sabır içün teşekkür bildirildi.
İyün 28-de Rusiye esirliginden on Ukrayina vatandaşı qaytarıldı, olarnıñ arasında Qırımtatar Milliy Meclisi reisiniñ birinci muavini Nariman Celâl bar. Bugünde-bugün ukrayin siyasiy mabüsleriniñ sayısı 217 adamnı teşkil ete, olarnıñ 60% - qırımtatar, dep bildirdi Ukrayina prezidentiniñ QMC-deki vekâletli temsilcisi Tamıla Taşeva.
2022 senesi sentâbrniñ 21-nde Rusiyeniñ kontroli altında bulunğan Qırım Yuqarı mahkemesi Jelealge "Anğarada gaz borusında diversiya davası" boyunca sert rejimli koloniyada 17 yıl azatlıqtan marum etüv cezasını berdi, 700 biñ ruble para cezası ve 1,5 yıl azatlıqtan marum etüv cezasını berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
