O, Celâl ve aynı dava boyunca mahküm etilgen Aziz Ahtemov Şarqiy Sibirde Minusinskke etap etildi, dep bildirdi. Azizniñ aqrabası olğan Asan Ahtemov Vladimirge etap etildi.
«Nariman Celâl qayda ve sağlıq vaziyeti belli degil, amma bir qaç aftadan berli ömür arqadaşınen bağlanmay», – dep bildirdi ombudsmen.
O, Ukrayına vatandaşlarınıñ Rusiyege avuştırıluvını işğalci devletke vatandaşlarnı öz toprağına avuştırmağa yasaqlağan Jeneva şartnamesi ve halqara gumanitar uquq normalarınıñ bozuluvı dep adlandırdı.
«İşğal etilgen Qırımdan Ukrayına vatandaşları basqığa ve sert iklim sınavlarına oğray. Avropa penitentsiar qaidelerine köre, mabüsler yaşağan şeer yaqınlarındaki müessiselerde ceza çekmeleri içün yollanıla», – dep qoştı o.
Lubinets dünya toplulığını Rusiyeniñ halqara gumanitar uquqnı bozğanına «qararlı bir şekilde cevap bermesine» ve qanunsız tutulğan Ukrayına vatandaşlarınıñ azat etmege talap etmesine çağırdı.
2022 senesi sentâbrniñ 21-nde Rusiye kontrolindeki Qırımnıñ Yuqarı mahkemesi Nariman Celâlnı 17 yıl sert rejimli koloniyada qalmasına üküm etti. Bundan ğayrı, 700 biñ ruble para cezası berildi ve azatlığı 1,5 yılğa sıñırlandı.
Asan Ahtemov 15 yıl sert rejimli koloniyada qalmasına üküm etildi. Oña 500 biñ ruble para cezası berildi ve 1 yıl qadar azatlığı sıñırlandı. Aziz Ahtemov 13 yıl sert rejimli koloniyada qalmasına üküm etildi. Oña da 500 biñ ruble para cezası berildi ve azatlığı 1 yılğa sıñırlandı.
Oktâbrniñ 2-nde Nariman Celâl ve ağa-qardaş Ahtemovlar Aqmescitteki SİZO-2-den alındı ve Rusiye apishanelerine etap etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
