Ukrayinanıñ Türkiye elçisi Nariman Celâl Türkiye ombudsmenine Rusiye tutqan ve ğayıp olğan ukrayinalılarnıñ cedvelini berdi. Bu aqta diplomat Facebookta haber etti.
«Türkiyeniñ baş ombudsmeni Mehmet Akarcanen körüştim. Cedvellerni berüv, ukrayinalı cenk esirlerini deñişüv/azat etüv meselelerinen bağlı işbirligi muzakere etildi, qorantalarınen körüşüv imkânı keliştirildi. Söz bergenim kibi, ombudsmenge rusiyeliler tarafından tutulğan ya da ğayıp olğan vatandaşlarımıznıñ cedvellerini berdim, olarnı bu yıl avgustnıñ 24-nde İstanbulda soy-soplarınen körüşip alğan edim», – dep aytıla haberde.
Celâl Türkiye telükesizlik kefaletleri çerçivesinde Ukrayinağa arbiylerni yollama imkânını baqa, dep bildirdi. Ankara Qara deñizniñ mayınlardan temizlenmesine qoşulmağa azır.
Ukrayina prezidenti Volodımır Zelenskıy «Qararlılar birligi» körüşüvi vaqtında Türkiye Ukrayinanıñ telükesizlik kefaletlerine qoşulmağa azır olğanını bildirip, deñiz telükesizligi mesüliyetini de öz boynuna almağa azır.
