Çeh Cumhuriyetiniñ prezidenti Petr Pavel qırımtatarlarnıñ Qırım yarımadasından sürgün etilüvini devlet seviyesinde takbih etmeli dedi, dep haber ete çeh kütleviy haber vastaları.
«Bunıñ kibi bir şey yapmamız içün vaqıt keldi», – dep ayttı Çehiya prezidenti parlament azalarınen subetleşip. Qayd etilgenine köre, Petr Pavel Ukrayınanı ziyaret etip, qırımtatar vekillerinen körüşti, qırımtatar sürgünligi meselesi muzakere etildi.
Azatlıq Radiosı yazğanına köre, halq deputatı, qırımtatar halqınıñ lideri Mustafa Cemilev ve Qırımtatar Milliy Meclisiniñ reisi Refat Çubarov Çeh Cumhuriyetiniñ prezidenti Petr Pavel ile körüştiler.
Mayısnıñ 18-nde sovetler rejimi qırımtatarlarnı tarihiy vatanları Qırımdan sürgün etkeniniñ 79 yılı tola. Şu künü Ukrayına ve dünyada qırımtatar halqı genotsidiniñ qurbanları añıla.
1944 senesi mayısnıñ 18-nde sovetler akimiyeti 200 biñden çoq qırımtatarını Qırım yarımadasından sürgün etip başladı. Ukrayınada qırımtatar sürgünligi genotsid olaraq tanıldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
