Çeçek ayınıñ 15-inde gece Qırımda patlavlar eşitildi, Canköy rayonı ücümden soñ qısmen yarıqsız qaldı. Bu aqta yerli telegram kanalları bildire.
"Krımskiy veter" telegram-kanalı abunecilerine atfı etip yaza ki, saat 00:17 Aqmescitte eki küçlü patlav yüz berdi, saat 00:42 Kefede eki patlav, 01:32 Ermeni Bazarda eñ az 6 patlav oldı. Daa soñra Canköy rayonınıñ Azaq rayonındaki neft bazasına ücüm yapılğanı aqqında haber etildi. Saba "Canköy" elektrik alt stansiyasında ve Azovskiy neft bazasında ihtimal yanğın aqqında haber peyda oldı.
Rusiye Mudafaa nazirligi, gece Rusiye ava mudafaası RF-nıñ beş regionı ve işğal etilgen Qırım, Azaq ve Qara deñiz akvatoriyası üzerinde 85 Ukrayin dronunı urıp tüşürdi, dep bildirdi.
Rusiyeniñ büyük istilâsı başlağan soñ Rusiyede ve işğal etken topraqlarında çeşit obyektler ava ücümlerine oğray. Ukrayina Silâlı quvetleriniñ Baş ştabı darbelerniñ büyük qısmını tasdıqlap, Ukrayina Mudafaa quvetleri "Rusiye işğalci ordusınıñ arbiy küçüni eksiltecek, Rusiyeni Ukrayinağa qarşı silâlı istilâğa mecbur etecek tedbirlerni muntazam sürette ala", dep bildire.