Rusiye ordusı Donetsk vilâyetiniñ bütünley zapt etilüvi ve Ukrayınanıñ cenübi ve şarqında zapt etilgen regionlarnı baqmaq içün toplaşmağa devam ete. Bu aqta Ukrayına Silâlı quvetleriniñ Baş ştabı sentâbrniñ 10-nda saba bildire.
Rusiye ordusınıñ ava istihbaratı keçe, bütün Ukrayınada raketa ve aviatsiya darbeleri telükesi qala, dep bildire Ukrayına komandanlığı.
«Keçken künü duşman Ukrayınadaki obyektlerge 13 raketa ve 23 aviatsiya darbesini kerçekleştirdi. Hususan Velikı Prohodı, Avdiyıvka, Nevelske, Maryınka, Velika Novoselka, Neskuçne, Svodobne Pole, Poltavka, Mali Şçerbakı, Biloğirrâ, Ternovi Podı, Blağodatne, Suhiy Prud, Kostromka ve Bezımânne mesken yerlerinde infrastruktura zarar kördi», – dep aytıla haberde.
Ukrayına komandanlığı 36 Rusiye uçucısızınıñ çıqqanını qayd etti.
«Vaqtınca zapt etilgen Herson vilâyetiniñ topraqlarında Rusiye gruppirovkasını quvetleştirmek içün millet mensüpligine köre saylanğan 1300 insanğa qadar «kadırovcılar» bölügi keldi», – dep bildire Ukrayına Silâlı quvetleriniñ ştabı.
Berilgen malümatqa köre, Ukrayına Mudafaa quvetleri Donetsk vilâyetindeki Zaytsevo, Vesela Dolına, Soledara, Bahmut ve Pervomaysk rayonlarında Rusiye bölükleriniñ ücümlerini toqtattı. Ukrayına aviatsiyası Rusiye obyektlerine 33 darbe endirip, silâ anbarlarını ve 25 tayanç noqtasını ve asker ve tehnikanı yoq etti.
«Soñki künleri raketa ordusınıñ ve yerustü ordularımıznıñ top ateşi tesiri neticesinde çeşit seviyeli 18 idare noqtasına, duşmannıñ arbiyleri toplaşqan rayonlarğa, ava mudafaa ve radio elektronik küreş vastalarına, top bölükleri ve 20-den çoq silâ ve yaqarlıq anbarlarına zarar ketirildi», – dep aytıla haberde.
Ukrayına komandanlığı Milliy polis ve azat etilgen topraqlarnıñ stabilizatsion tedbirlerniñ işi yañıdan başlatıldı, dep esabat berdi.
Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
