Link açıqlığı

Saatnıñ esas haberi

Cebede qırımtatar asıllı Ukrayina arbiyi elâk oldı – Qırım musulmanları diniy idaresi


Qayd etilgenine köre, arbiy qorantasınen beraber işğal etilgen Qırımnı terk etip, esas Ukrayinağa çıqtı, büyük ücüm başlağanda ise Ukrayina Mudafaa Quvetlerine göñülli olaraq qoşuldı (nümüneviy fotoresim)
Qayd etilgenine köre, arbiy qorantasınen beraber işğal etilgen Qırımnı terk etip, esas Ukrayinağa çıqtı, büyük ücüm başlağanda ise Ukrayina Mudafaa Quvetlerine göñülli olaraq qoşuldı (nümüneviy fotoresim)

Rusiye ile cenkte eñ kergin olğan yönelişlerden birinde qırımtatar asıllı Ukrayina arbiyi elâk oldı, dep bildire Qırım musulmanları diniy idaresi.

«Yanvarniñ 16-nda saba vazifesini yapqanda Ukrayina imayecisi, semetdeşimiz, qırımtatarı, üç bala babası, qardaşımız Dlâver qaraman kibi can berdi. Qardaşımıznıñ qorantası, tuvğanları, yaqınları ve dostlarına taziyeler bildiremiz», – dep aytıla haberde.

Qayd etilgenine köre, arbiy qorantasınen beraber işğal etilgen Qırımnı terk etip, esas Ukrayinağa çıqtı, büyük ücüm başlağanda ise Ukrayina Mudafaa Quvetlerine göñülli olaraq qoşuldı.

Cenaze yanvarniñ 18-nde «Birlik» merkezinde (Kyiv vilâyeti, Çayki k.) qılınacaq.

Dekabrniñ soñunda Kyiv vilâyetinde qırımlı Ukrayina arbiyi, cenk iştirakçisi Marlen Abdulgafarov defin etildi, dep haber etilgen edi.

Qırımtatar halqınıñ lideri Mustafa Cemilev Qırım.Aqiqatqa intervyü berip, Ukrayina Silâlı quvetleri erkânında tahminen 2 bin qırımtatarı cenkleşe, dep bildirdi.

Aynı vaqıtta o, Rusiye ile cenkte elâk olğanlarnıñ tam sayısını aytmadı, çünki «Qırımda FSB olarnıñ soy-soplarına basqı yapıp başlay».

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG