İşğal etilgen Canköyniñ merkezinde uçaq tüşti, eki qadın yaralandı, dep haber ete Qırımnıñ telegram kanalları.
Mashnıñ bildirgenine köre, uçaq qavehanege zarar ketirdi, eki şahsiy evge ve kilsege parçalar tüşti. 69 yaşında bir qadın yaralandı, o, hastahanege alındı. 26 yaşındaki qıznıñ boyun yaraları bar, dep haber ete Telegram kanalı.
"Krımskiy vetr"niñ malümatına köre, tüşüv Rusiye PEB-nıñ işi sebebinden olğan. Vatandaşlarnı haberdar etmek içün telüke signalı ilân etilmedi, yıqıluv yerinde yol alâ daa qapalı.
Matbuat vastalarınıñ malümatına köre,saban ayınıñ 4-nde Saq şeerinde Rusiye S-400 ava mudafaası kompleksiniñ radiolokatsiya stantsiyası yanıp başlağan. Belki de, radarlarnı Tarhankut burnuna alıp ketile edi, ertesi künü diverssiya içün mesüliyetni Qırım partizanları aldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
