Müessiseniñ bildirgenine köre, ukrayin arbiyleri S-400 zırhlı silâsınıñ dört silâsını, üç radar stantsiyasını, Ava mudafaası vastalarınıñ idare etüv noqtası ve "Fundament-M"ava boşluğını nezaret etüv apparatını yoq etti.
"Duşman aviatsiyasınıñ zarar körgen ya da yoq etilgen obyektleriniñ sayısı ve Rusiye işğalci ordusınıñ şahsiy erkânında elâk olğanlarnıñ sayısı daa belli degil", - denile beyanatta.
Aprelniñ 17-nde gece işğal etilgen Qırımnıñ şimalinde Canköy şeeriniñ arbiy ava limanı yanında bir sıra patlav yüz berdi.
Qırım.Aqiqatnıñ malümatına köre, Canköyniñ uçaq bazasında Cenübiy arbiy okrugınıñ arbiy ava quvetleri ve ava mudafaası 4-nci komandanlığınıñ 27-nci qarışıq aviatsiya diviziyasınıñ 39-ıncı vertolöt polku, Mi-8, Mi-35M, Mi-28, Ka-52 üç aviatsiya eskadrilyası buluna. RF FSB sıñır hızmetiniñ vertolötları da yerleşe.
Ukrayina Cenübiy mudafaa quvetleriniñ birleşken matbuat merkeziniñ yolbaşçısı Natalya Ğumenyuk, patlavlarnı izaatlap, Azatlıq Radiosınıñ efirinde, Canköy şeerindeki arbiy ava limanı Ukrayina içün "qanuniy bir maqsat" ola, dep bildirdi.
Cenübiy mudafaa quvetleriniñ Birleşken matbuat merkeziniñ yolbaşçısı, Canköyniñ ava limanında ne zarar körgenini aytmadı, "General ştabdan resmiy malümat beklemek kerek" dep qayd etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
