Canköydeki Rusiye mahkemesi işğal etilgen Geniçeskte Rusiye quvetçileri tarafından tutıp esir etilgen Ukrayina Arbiy deñiz quvetleriniñ yedekteki zabiti Oleksiy Kısılevnı Rusiyede yasaq etilgen ve terroristik sayılğan Noman Çelebicihan adına göñülli qırımtatar batalyonında iştirak etüv qabaatı ile 8,5 yıl apis cezasına mahküm etti.
Bunı fevralniñ 17-nde "Qırım esnası" uquq qoruyıcı teşebbüsiniñ mühbiri haber etti.
Mahkemeci Liliana Solovyeva zabitni qabaatlı tanıp sekiz buçuq yıl apis cezasına mahküm etti.
Üküm Rusiye Ceza qannamesiniñ 208-nci (Qanunsız silâlı teşkilâtnı teşkil etüv ya da faaliyetinde iştirak etüv) maddesi ile çıqarılğan. Mudafaa tarafı mahkeme qararına temyiz etecek.
Oleksiy Kısılev Rusiyede yasaq etilgen ve terroristik sayılğan Noman Çelebicihan adına göñülli qırımtatar batalyonında iştirak etüv ile qabaatlana. O, Ukrayinağa keniş mıqyaslı cenk vaqtında Rusiye ordusı tarafından işğal etilgen Herson vilâyetiniñ Geniçesk şeerinde bellisiz şahıslar tarafından tutup esir etilgenini ve iskencelerge oğratulğanını bildire. Soylarınıñ bildirgeniyek köre, bundan soñ onı Qırımğa alıp ketkenler ve anda SİZO-ğa yerleştirgenler. O qabaatını tanımay. Onıñ batalyonda iştigani batalyonıñ tesisçisi ve iş adamı Lenur İslâmov da inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
