«Çekimlerde darbelerni köremiz, ava mudafaa vastaları bozuldı ve duşmannıñ uruş taqımları zarar kördi. Qayd etmeli ki, darberlerden soñ aviatsiyanıñ çoqusı başqa yerge alındı», – dep añlattı «Shemı» izaatlarına ava eksperti Anatoliy Hrapçinskiy.
Onıñ bildirgenine köre, uydu çekimlerine köre, raketa darbesinden radiolokatsion sisteması ve ava mudafaası işinde qullanılğan sistemalar zarar kördi.
Aprelniñ 17-nde gece işğal etilgen Qırımnıñ şimalinde Canköy şeerinde arbiy uçaq alanı rayonında patlavlar oldı.
Qırım.Aqiqatnıñ malümatına köre, aviabazada Arbiy ava quvetleriniñ 4-ünci komandanlığı 27-nci qarışıq aviatsion diviziyasınıñ 39-ıncı vertolöt polku ve Cenübiy arbiy okrugınıñ ava mudafaası, Mi-8, Mi-35m, Mi-28, Ka-52 içün üç aviatsion eskadrilya bar. Rusiye Federatsiyası FSB sıñır hızmetiniñ vertolötları da anda buluna.
Ukrayına Silâlı quvetleriniñ Baş ştabı aprelniñ 17-ne keçer gecesi Canköyde Rusiye ordusınıñ obyektlerine qarşı raketa atılğan videonı derc etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
