İşğal etilgen Canköyde Rusiye arbiyleri evleri yanında maşnalarını qaldırğan yerli sakinlerniñ naqliyatından benzin tökeler. Bu aqta "Sarı şerit" areketiniñ faalleri bildire.
"Evleri yanında maşnalarını qaldırğan yerli sakinlerden yaqıtnı alalar. İşğalcilerni bunı yapqanda tutulğanları çoq adise bar, amma olar bunı "SVO" içün kerek olğan şeyler kibi añlatalar (Rusiye akimiyeti Ukrayinağa qarşı tam kölemli cenkni böyle adlandıra — QA). Yerli işğalci polis işğalcilerniñ böyle cinayetlerine cevap bermey", — dep aytıla haberde.
Qırım.Aqiqat cenk şaraitinde malümatnı teşkerip olamay.
