Canköyde 70 yaşındaki bir nefaqacı RF ordusını "itibardan tüşürüv" maddesi ile 100 biñ ruble para cezasına maküm etilgen. Bunıñ aqqında Rusiye İİN telegram kanalında haber etile.
"Canköy vilâyetiniñ eki sakini araba qapısında qabul etilmez mana ile yazı körip, poliske muracaat ettiler. Operativ-qıdıpuv tedbirler neticesinde polsi hadimleri buña alâqası olğan 70 yaşındaki erkekni yaqaladı ve polis bölügine ketirdi", - dep yazıla bildirmede.
Erkekke qarşı başta memuriy protokol tizilgen, soñra ise 100 biñ ruble para cezası tatsin etilgen.
Erkekniñ adı ve soyadı belli degil, onıñ açıq izaatları da yoq.
Ukrayına baş prokurorı Andriy Kostin Qırımda 180-den çoq ukrayınalı siyasiy mabüs tutula, 2022 senesi mart ayından berli Rusiye ordusını «itibardan tüşürüv» manaçığınen eñ az 370 insan memuriy mesüliyetke çekildi, dep bildirdi.
Rusiyede ve işğali altındaki topraqlarda Ukrayına tarafdarları taqip etile. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
