Mabüs onı internetten satın alğan ve gizli bir yerde saqlağan eken. O, bombanı Ukrayına mahsus hızmetleriniñ vazifesine köre aldı dep ayttı, amma qabaatını tanımadı.
Rusiye mahkemesi onı 7 yılğa azatlıqtan marum etip, 300 biñ ruble para cezasını berdi.
Martnıñ 19-nda berilgen malümatqa köre, Rusiye uquq qoruyıcıları Aqyar sakinini «terakt» azırlağanından şübheli sayıp tuttı.
Qırım ve Aqyarda 2014 senesinden başlap eñ az 16 Ukrayına vatandaşı «casuslıq» ve «diversiyalarda» qabaatlanıp mahküm etildi. 2015 senesi terakt azırlanuvını teşkil etüv qabaatı boyunca Ruiye mahkemesi Oleg Sentsovnı 20 yılğa üküm etti. Rusiye uquq qoruyıcıları «Hizb ut-Tahrir» teşkilâtınıñ vekillerini böyle «diversiyalarda» qabaatlağan ediler. Rusiyeniñ Ukrayınağa qarşı büyük istilâsından soñ yarımadada cenkke qarşı çıqqanlar taqip etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
