Rusiye quvetçileri Canköyde Dilâver İbragimovnıñ evinde tintüvni kecirdi, ondan soñ onı bilinmegen yerge alıp kettiler. Bunı advokat Emil Kurtbedinovğa tutulğan adamnıñ soyları haber etti, bildire "Qırım birdemligi".
"Bugün Canköyde tintüvden soñ 3.02.1994 senesi doğma İbraimov Dilâver Tairoviç tutuldı. Tuvğanlarınıñ aytqanına köre, Dilâver evde bir özü edi. Tintüvden soñ qadını evge kirip olamay, çünki Dilâverden ğayrı kimseniñ anahtarı yoq edi. Mennen tuvğanları bağlandı. Şimdi olar acele hattına telefon etip, adamnıñ hırsızlavı aqqında arizanı qaldıracaqlar. Onı tapıp olamaylar. İİN ve FSB-ge barıp keldiler. O qayda olğanını kimse aytmay", - dedi Kurtbedinov.
Faallerniñ malımatına köre, evde tintüv yapılğanı aqqında qomşular bildirdi.
Rusiye küç organları vaziyetni şimdilik tefsir etmedi.
