Canköyniñ №7 mektebinde tüşkenlerniñ toplanması ve dam töşelmesi oquş esnasına keder etmeycek. Bu aqta Canköyniñ Rusiye memuriyet yolbaşçısı Eduard Selivanov bildirdi.
«Müddetini (tamirniñ) aytıp olamayım. Balalar bazarertesi künü mektepke qatnap oquycaq, tamir üzerinde çalışamız. Komissiya çalışa. Mektepte bütün balalar yerleştirilecek yer bar. Oquş esnası adiy rejimde devam etecek», – dep bildire Selivanovnıñ aytqanlarını Krıminform.
Canköyniñ №7 mektep talebeleri bazarertesi künü, noyabrniñ 25-nde, derslerine devam etecek.
Noyabrniñ 22-nde gece küçlü yel Canköyniñ №7 mektebinde damnı qoparıp aldı. Dam 840 metr kârelik edi, kimse zarar körmedi, dep bildirdi yarımadanıñ acele hızmetleri.
Qırımlı qurtarıcılar yarımadada ava bozulacaq, dep tenbilegen edi. Daa evel Qırımda noyabrniñ 22-ne qadar yel quvetleşkeninden furtuna havfı ilân etilgen edi. Qırımlılar dekabrniñ 1-nden itibaren yollarda areket sıñırlanacaq, dep ihtar etildi.
