Gece küçlü yel neticesinde damı qoparıp alınğan Canköyniñ №7 mektep talebeleri bazarertesi künü, noyabrniñ 25-nde, derslerine devam etecek. Bu aqta Canköy Rusiye memuriyetiniñ yolbaşçısı Eduard Selivanov bildirdi.
«Oquv esnasını bozmamaq içün oquv esnasını teşkil etüv meselesi baqıldı. Balalar bu mektepte oquycaq, şaraitler uyğun – tek bir korpus zarar kördi. Bazarertesi künü balalar oqumağa devam etecek», – dep bildire Selivanovnıñ aytqanlarını «Krıminform» saytı.
Selivanovnıñ aytqanlarına köre, al-azırda tüşken dam parçaları teşkerile, binanı ğayrıdan tiklev müddetleri belli degil.
Noyabrniñ 22-nde gece küçlü yel Canköyniñ №7 mektebinde damnı qoparıp aldı. Dam 840 metr kârelik edi, kimse zarar körmedi, dep bildirdi yarımadanıñ acele hızmetleri.
Qırımlı qurtarıcılar yarımadada ava bozulacaq, dep tenbilegen edi. Daa evel Qırımda noyabrniñ 22-ne qadar yel quvetleşkeninden furtuna havfı ilân etilgen edi. Qırımlılar dekabrniñ 1-nden itibaren yollarda areket sıñırlanacaq, dep ihtar etildi.
