Link açıqlığı

Camala RU.TV rusiyeli muzıka mukâfatını alğan zenaatdaşı Ani Lorakqa kösterilgen qarşılıqnı alğışlamay.

Bunı o ZN.UA neşirine bildirdi.

«Ani Lorak aqqında soradıñız… Zenaatdaşlar ile bağlı meselelerni izaatlamağa qolay degil, atta edasızdır. Men, misal içün, Rusiye Federatsiyasında neticelerge irişken Ani içün bahtlım», – dedi Camala.

Bunıñ ile, dey yırcı, «belki oña bir qaç müim söz – aramızda, halqlarımız, insanlar arasında olğan munasebetler aqqında bir şeyler aytmaq kerek edi…Bir qaç söz… Böyle alda onı eşitir, añlar ediler…».

«Diger taraftan, mukâfatnı almağa – onıñ aqqı! Onı şimdi bütün günâhlarda qabaatlamağa istegenler çoqtır. Amma ukrain telekanları ücüz rusiyeli seriallarnı köstermege devam eteler, radiolardan da rus zemaneviy yırlar eşitile. Ve bunı matbuat vastalarında muzakere etmeyler»,– dedi Camala.
XS
SM
MD
LG