Kyivde avgustnıñ 25-inde keçecek "Qırım evi yüreklerni birleştire" Open Air kontsertinde yırcı Camala headliner olacaq.
Teşkilcilerniñ malümatına köre, ondan ğayrı kontsertte Oleksandr Polojinskıy ve "Büvye" leyhası,Shatur Gudur qırımtatar pank-rok taqımı, yırcı Elvira Sarıhalil, "Kurbası" etnik taqımı çıqışta bulunacaq.
Tedbir çerçivesinde saat 15:00-ten başlap kündüz programması olacaq. Anda çeşit-türlü ustalıq dersleri keçirilecek, şu sıradan çölmekçi Rustem Skibin ve ustahanesiniñ dersleri. Bundan ğayrı, qırımtatar yemekleri ve qavesi pişirmesinden ustalıq dersleri olacaq.
"Soñki beş yıl devamında ukrainler ve qırımtatarlar, niayet, biri birine yaqınlaştı ve medeniye, adetler ve tarihlarında bayağı oşağan çizgi ve hususiyetlerni tapıp başladı. Bizim kontsetimiz - eki halqnıñ icadiy energiyasınıñ Kösterilüvi, o, bütün memleketimizniñ adamlarını birleştirmege, suniy divarlarnı yıqmağa yardım ete", - dep aytıp berdi "Qırım evi"niñ programma müdiri Alim Aliyev.
Kyivde 2018 senesi oktâbr 23-ünde birinci "Qırım evi yüreklerni birleştire" kontserti keçti.
