Büyük Britaniya parlamentiniñ Westminster salonında aprelniñ 24-nde Qırım ilhaqı aqqında munaqaşalar keçirilecek. Bu malümat parlamentniñ resmiy saytında peyda oldı.
Munaqaşa yerli saatqa köre saat 9:30-da (Qırım saatına köre 11:30-da) başlanacaq. Munaqaşalarnıñ teşkilâtçısı parlament cemiyetleri palatasınıñ azası, Büyük Britaniyanıñ PACE delegatı John Howell ola.
Daa evel Howell Büyük Britaniyanıñ Azaq regionındaki quvetleştirilgen arbiy bulunmasını istegen edi.
11 memleketniñ, şu cümleden Büyük Britaniyanıñ, Tış işler nazirleri Rusiyeniñ Qırım ilhaqını tanımağanlarına dair beyanatlarını aydınlattı.
Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
