Rusiye Federatsiyasınıñ quvetleri bir qaç Ukrayına şeerine raketa ve dronlarnen ücüm etken dekabrniñ 29-nda olğan adiseler 2022 senesinen qıyaslana bile, dep bildirdi Azatlıq Radiosınıñ yayınında Ukrayına Silâlı Quvetleriniñ Ava quvetleri vekili Yuriy İgnat.
«Bıltır böyle ücümlerni kördik, duşman yüzlernen raketanen ücüm etken edi, şunıñ içün yañı bir şey oldı, dep aytıp olamayım. Böyle ücümler qarışıq, büyük, keçken sene de oldı. Amma bugün cemiyetke daa tez haber etile, Telegram kanalları, hususan bizimki (Ukrayına Silâlı Quvetleriniñ Ava quvetleri – QA) insanlarğa (ne olğanını bildire), şunıñ içün insanlar böyle areket ete, bu büyük bir üçüm», – dedi spiker.
O, Rusiye arbiyleri dekabrniñ 29-nda gece ve saba Ukrayına şeerlerine qarşı qullanğan silâ cedvelini aydınlattı.
«Aqibetlerge baqıp, ne qadar raketa uçtı, ne qadar dron yoq etildi körecekmiz. Qanatlı raketa ve dronlardan ğayrı, S-300 zenit raketaları, H-22 raketaları, belki, H-32 qullanıldı, Qırımdan ballistik, aerobalistik raketalar, «Kinjallar» aqqında da aytıldı», – dep qayd etti Yuriy İgnat.
Lviv, Harkiv ve Dnipro akimiyet vekilleri dekabrniñ 29-nda Rusiye raketa darbesi neticesinde elâk olğan ve yaralanğanlar aqqında haber etti.
Gece ve saba Rusiye Ukrayınağa kene dron ve raketalarnen ücüm etti. Lviv, Kyiv, Harkiv, Dnipro ve Çerkası, Sumı, Odesa vilâyetlerinde patlavlar aqqında haber etildi. Bazı şeerlerge saba bir qaç kere ücüm etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
