Ukrayina prezidenti Volodımır Zelenskıy muracaatında bildirdi ki, "Ramştayn" formatından ortaq memleketlerden artqan destek beklenir.
Zelenskıy, Ukrayinanıñ tarafdaş memleketleriniñ mudafaa nazirleriniñ Kıyivge desteginiñ muzakere olğanın körüşüvden soñra haberlerni "yahşı" adlandırdı.
"Söz sırası, Ukrayinanıñ mudafaa desteginiñ daimiy olacağına dair bir signalımız bar. Ramştayn çerçivesinde Britaniya ve Daniya avgust ayında Köpengagende mahsus donor konferentsiyasınıñ keçirilüvini ilân ettiler. Evelden 14 devlet iştirak etecegi malüm", - dedi o.
Devlet başı, onı NATO-nıñ Madridde keçirilecek sammitinde G7 memleketleriniñ körüşüvinde sezge çıqmaq içün davet etkenlerini de haber etti.
İyünniñ 15-nde ABD devlet başı Joseph Biden Ukrayinağa 1 milliard dollarlıq mudafaa yardım paketini ilân etti.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
