Büyük Britaniya ve ABD "DNR" qanunsız silâlı müfrezesiniñ boyevikleriniñ Ukrayina Silâlı Quvetleriniñ terkibinde cenkleşip, esir etilgen üç ecnebiyge çıqarğan "ölüm cezasını" takbih ettiler.
Büyük Britaniya TİN yolbaşçısı Liz Trass bildirdi ki, mezkür şahıslar arbiy esirlerdir, sözde "üküm" ise "sahte" ve "tamamınen qanunsızdır".
ABD Devlet kâtibi Entoni Blinken Rusiyeni ve onıñ idaresi astında olğan küçlerni halqara gumanitar uquqqa sayğınen davranmağa çağrdı.
"Biz Ukrayina Silâlı Quvetlerinde hızmet etken qanuniy kombatantlarğa qarşı sahte "mahkeme" ve onıñ ükümleri aqqında haberlerden ciddiy raatsızmız", - dep yazdı Blinken Twitterde.
İyünniñ 9-nda "DNR" qanunsız silâlı müfrezesiniñ "Yuqarı mahkemesi" Ukrayina Silâlı Quvetleriniñ terkibinde cenkleşken ve esir etilgen üç ecnebiyni ölüm cezasına mahküm etti.
Söz eki britaniyalı Şon Pinner ve Eyden Eslin, mağripli Saadun Bragimaqqındadır. Episi USQ añlaşmanı keniş mıqyaslı istilâ başlamazdan evel imzalağan edi.
Ukrayina TİN temsilcisi Oleg Nikolenko Azatlıq.Radiosına bildirdi ki, Ukrayina Silâlı Quvetleriniñ terkibinde cenkleşken bütün ecnebiyler USQ-niñ arbiy hızmetlçileridir, olarnıñ kombatant statusı bar ve olar esirlikte arbiy esirlerniñ aqlarından faydalanalar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
