Link açıqlığı

Saatnıñ esas haberi

Büyük Britaniya, Rusiye tarafından Qırım ve Aqyar ealisiniñ cedvelge alınmasını takbih etti


Büyük Britaniya Rusiyeniñ işğal etilgen Qırım ealisini cedvelge alğanını takbih ete. Bunıñ aqqında Büyük Britaniyanıñ Ukrainadaki elçiligi oktâbrniñ 19-nda yayınlağan beyanatında yazıla.

"Rusiyeniñ Qırım ealisini cedvelge alğanı, Qırım Ukraina olğanını deñiştirmey. Ukraina topraq bütünligine ve suverenitetine deñizmez destegimizni tasdıqlaymız", - dep yazıla bildirmede.

Evel, ABD Devlet departamentiniñ resmiy temsilcisi Ned Prays, ABD Rusiye Qırım ealisini cedvelge alğanını takbih etkenini bildirdi.

Ukraina Rusiyeniñ işğal altındaki Qırımda ve Aqyarda ealini cedvelge alğanını takbih ete. Bu aqta oktâbrniñ 15-nde derc etilgen Ukraina Tış işler nazirliginiñ beyanatındaaytıla.

Rusiyede oktâbrniñ 15-nden noyabrniñ 14-ne qadar eali cedvelge alınacaq. Sakinler aqqında malümat Qırımda da toplanacaq. Yarımada sakinlerini rusiyeliler 2014 senesi de cedvelge alğan edi, o vaqıt Qırımda milliy terkipniñ deñişmeleri qayd etildi.

Rusiyeniñ 2014 senesi Qırımda keçirgen cedvelge aluv malümatına köre, cedvelge alınğan Qırım ealisi 1,89 million kişi, Aqyar ealisi ise 393 biñ insan oldı.

Ukraina akimiyeti bu raqamlarğa esaslanıp, Rusiyeni vaqtınca işğal etken yarımadağa vatandaşlarını ketire, dep qabaatlay. 2001 senesi Ukraina ealini cedvelge alğanda yarımadada ukrain ve qırımtatarlarnıñ sayısı bayağı çoq edi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG