Büyük Britaniya "ÇVK Vagner"ni terroristik teşkilâtlar cedveline kirsetti, dep bildirdi memleketniñ İç işler nazirligi.
Rusiye şirketine ait olmaq ya da onıñ faaliyetini faal şekilde desteklemek bundan soñ 14 yıl qadar apis cezası ile cezalandırılacaq.
Büyük Britaniya İç işler naziri Suella Braverman "ÇVK Vagner"ni Rusiye prezidenti Vladimir Putinniñ arbiy aleti adlandırıp, şirketniñ zorbalıq, dağıntılar ve vahşiy cinayetler ile alâqalı olğanını bildire edi.
Martnıñ 23-nde Litvaniya seymi "ÇVK Vagner"ni terroristik bir teşkilât kibi tanığan ilk Avropa parlamenti oldı. Mayıs ayında Frenkistan parlamenti de böyle qararğa keldi.
Bu sene aprel ayında Avropa Birligi "ÇVK Vagner"ni "Rusiyeniñ Ukrayinağa qarşı cenkinde faal iştirak etkeni içün" sanktsiyalar cedveline kirsetken edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
