Büyük Britaniya beş Rusiye bankına sanktsiyalar qoyacaq, dep bildirdi memleketniñ baş naziri Boris Conson. Bu "Rusiye", "Promsvâzbank", İndustrial sberbank, Black Sea Bank ve "Genbank" bankları.
Gennadiy Timçenko, İgor ve Boris Rotenberglerge qarşı şahsiy sanktsiyalar qoyuldı.
Sanktsiyalar memleketke kirüvni ve aktivlerniñ bozlatıluvını közde tutalar. Conson, bu tek birinci sanktsiyalar dalğası olğanını qayd etti.
Bloomber , Avropa Birligi "Rusiye" bankı, "Promsvâzbank" ve VEB.RF-ke qarşı sanktsiyalar qoymaq niyetinde olğanını bildirgen edi.
Fevralniñ 22-nde Almaniya kantsleri Olaf Şölts, ükümet "Şimaliy aqım-2" Rusiye-Almaniya gaz borusınıñ sertifikatsiya esnasını toqtatqanını ilân etti. Onıñ sözlerine köre, qarar Rusiye-Ukraina çatışmasınıñ kerginleşmesi ve Kremlniñ "DNR" ve "LNR" gruppalarını "tanıması" üzerinde alınğan. Bunıñ aqqında fermannı Vladimir Putin keçenlerce imzaladı.
"Şimdiki basamaqta ilk sanktsiyalardan ğayrı, çatışmanıñ nevbetteki kerginleşmesini toqtatmaq ve daa bir felâketniñ ögüni almaq müimdir. Bütün dimlomatik ğaretimiz buña yönetilgen", - dedi o.
Fevralniñ 21-nde Rusiye prezidenti Vladimir Putin Rusiye Telükesizlik Şurasınıñ oturışından soñ "DNR" ve "LNR" qanunsız silâlı gruppalarnıñ "tanıluvı" aqqında ilân etti.
