Büyük Britaniya baş naziri Rişi Sunak Ukrayina prezidenti Volodımır Zelenskıy ile yanvarnıñ 3-nde keçirgen telefon körüşüvinde, Ukrayina devlet başı Büyük Britaniyanıñ uzun müddetli destegine işana bilecegini bildirdi.
"Liderler soñki künlerde Ukrayinağa qarşı deşetli dron ücümlerini muzakere ettiler", - dep yazıla bildirmede.
"Baş nazir dedi ki, yaqın zamanda biñden çoq zenit raketanıñ teslim etilmesiniñ köstergeni kibi, Ukrayina uzun müddetli istiqbalde Büyük Britaniyanıñ destegine işana bile", - dep yaza Reuters agentligi.
"Bu yıl ğalebeni yaqınlaştırmaq içün ğayretlerimizni quvetleştirme mevzusında añlaştıq. Bunıñ içün baz qararlar bar", - dep yazdı Ukrayina prezidenti.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
