Ukrayinanıñ bütün topraqları ukrayin qalacaq, dep bildirdi memleketniñ Tış işler nazirliginiñ vekili Georgiy Tihiy.
O, ukrayin asıllı amerikalı kongressmen Viktoriya Sparttsnıñ beyanatını böyle izaatladı.
"Viktoriyadan farqlı olaraq, toprağımız er vaqıt ukrayin edi ve olacaq", — dep yazdı Tihiy.
Bir kün evel Ukrayinada doğğan ABD Temsilciler Palatasınıñ Cumhuriyetçi firqası azası Viktoriya Spartts, Ukrayina öz topraqlarını saqlap qalmaq içün nasıl israr ete bilecegini añlamay: "cenkte ğalebe qazansalar edi, vaziyet bam-başqa olur edi", dep bildirdi.
Rusiye Federatsiyasınıñ büyük istilâsınıñ başında Sparts ABD tarafından Ukrayinağa destek kösterilmesiniñ faal tarafdarı edi, amma 2024 senesi Ukrayina ükümetini qabarcılıqta qabaatlap, öz laflarına iç bir delil köstermeyip, 61 milliard dollarlıq yardım paketine qarşı rey berdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
