Burunçaq – yalıñız 14 yılı (1954-1968) olğan Staroselye (1945 senesine qadar – Salaçıq) köyü, qadimiy Bağçasaraynıñ bir çeti ve quruğan Çuruq Su özeniniñ vadiysi üstünde asılğan qayalı burun. Burun Meryem Dereniñ tabiat çetini şekillendire. Anda Rusiye pravoslav kilsesiniñ qobalı Svâto-Uspenskiy manastırı, soñra da Çufut Qale qoba şeeri kele.
Dere kirişinde ise Zıncırlı medrese bar – Ukrayinanıñ milliy emiyeti olğan medeniy miras abidesi. Bu kompleks Bağçasaray tarihiy-medeniy qoruğınıñ bir qısmı ola. Belli bir malümat: keçken asırnıñ 20-nci yılları Qırımda bölşeviklerniñ akimiyetke kelmesinen Zıncırlı medrese qapatıldı ve tek mustaqil Ukrayina vaqtında ğayrıdan tiklendi.
Qış soñunıñ bir iş künü eski Salaçıqta – bu fotoresimlerde.
