Qırımda iyünniñ 14-nde ve 15-nde bazı yerlerde yağmur, boranlı yağmur, burçaq yağması, saniyede 17-22 metr süratınen yel esmesi beklenile, dep bildire Qırımnıñ Rusiye Fevqulâde vaziyetler nazirligi.
«Telükeli gidrometeorologik adiseler sebebinden suv basuvları, energetika obyektlerinde qazalar, mesken-kommunal hocalığınen bağlı fevqulâde vaziyetlerniñ peyda olması, naqliyat seferleriniñ bozuluvı, köy hocalığı ösümlikleriniñ zarar körmesi ve ölmesi mümkün», – dep aytıla müessise haberinde.
Qurtarıcılar «reklama levhaları, yahşı qoyulmağan inşalar, terek ve elektrik hatlarınıñ bozulmasınen bağlı ealiniñ ayatı ve sağlığı içün telüke bar», dep tenbiledi.
Qara, Azaq deñizleri ve Keriç boğazında qazalar ola bile.
Keçken afta avalar qızğan soñ raatlıq künleri Qırımda suvuq olacaq, dep haber etilgen edi.
İyünniñ 7-nde Keriçte burçaqlı küçlü yağmur yağdı ve şeer soqaqlarını basıp, naqliyat areketini zorlaştırdı. Daa soñra Keriç taraflarında «Tavrida» yolunıñ bir qısmını suv bastı, dep haber etildi. Fevqulâde vaziyetler nazirligi küçlü yağanaqlar sebebinden tek yollarnı degil, bazı köylerde evlerni de suv bastı. Sakinler tahliye etildi ve vaqtınca pansionatqa alındı.
