Qırımda eñ yaqın 2-3 saat ve iyülniñ 20-nde künniñ soñuna qadar, em de iyülniñ 21-nde küçlü sağanaq, burçaq, boranlı yağmur yağması ve saniyede 20-25 metr yel esmesi beklenile. Bu aqta yerli Gidromettsentr bildire.
Sinoptiklerniñ malümatına köre, iyülniñ 20-21-nde Qırımnıñ ğarbiy, merkeziy, cenübiy ve şarqiy rayonlarında ve dağlarda fevqulâde yanğın telükesi qalacaq.
Keçken afta qurtarıcılar yarımada sakinleri ve musafirlerini yaramay ava vaqtında telükesizlik qaidelerine riayet etmelerine, şeer tışına maşinanen çıqmaqtan vazgeçmelerine çağırğan edi. İyülniñ 9-nda berilgen malümatqa köre, küçlü furtuna neticesinde Aqyarnıñ Hrustalnıy burnunda töşeme qatlaması bozuldı.
