Bulğaristan prezidenti Rumen Radev jurnalistlerniñ sualine cevap olaraq Qırım ile bağlı fikrini bir daa tefsir etti. Bunı «bTV Новините» neşri haber ete.
"İç bir facia yoqtır. Sual tamamınen aydındır. Qırımnıñ ilhaqı haqara uquqnıñ bozuluvıdır, amma tünevin gece aytqanım kibi, siyasette kerçeklik bar ve al-azırda Qırım Rusiyeniñdir", - dedi o.
Bulğaristannıñ prezidenti Rumen Radev noyabrniñ 18-nde prezident vazifesine esas raqibi Anastas Gercikov ile munaqaşalar vaqıtnda Qıırmnı Rusiye qısmı olaraq sayğanını bildirdi ve Rusiyege qarşı qoyulğan sanktsiyalarğa semeresiz dedi.
Ukraina TİN Kyivdeki Bulğaristan elçisi Kostadin Kodjabaşevni memleket prezidentiniñ aytqanları sebebinden özüne çağırdı.
