Bugün Ukraina vatandaşları memleket prezidentini saylaylar. Saylav bölükleri saat 8-de açıldı ve saat 20 qapatılacaq.
Mayıs 14-18 künleri «İlko Küçeriv adına demokratik teşebbüsler» Fondunıñ Razumkov merkezi ile birlikte keçirgen umummilliy sorav neticelerine köre, saylayıcılarnıñ aman-aman 80 fayızı rey berecek ola. Bunı UNİAN agentligi bildire.
Ukraina tış işler Nazirliginiñ malümatına köre, çetelde Ukraina prezidenti saylavlarında tahminen 400 biñ memleket vatandaşı iştirak etecek.
Ukraina saylayıcılar komitetiniñ tahminlerine köre, prezident saylavları künü saylav bölükleriniñ beş fayızı açılmaması mümkün, çünki Ukraina şarqındaki vilâyetlerde vaziyet kergin qalmaqta.
Ukraina prezidenti vazifesine 17 adam namzet kösterdi. Esas raqipler Pötr Poroşenko ve «Batkivşçina» firqasınıñ lideri Yuliya Timoşenko oldılar.
Avropa Birligi Ukrainada OSCE biñ nezaretçiden ibaret olğan missiyasınıñ maliye yardımını eki qat – beş milliondan 10 millionğa qadar – arttırdı. Aynı vaqıtta, Ukraina merkeziy saylav komissiyasınıñ malümatına köre, qayd etilgen resmiy közeticiler sayısı tahminen 2200 – 1950 halqara teşkilâtlarnıñ vekilleri ve tahminen 250 kişi – çetel memleketlerinden.
Mayıs 14-18 künleri «İlko Küçeriv adına demokratik teşebbüsler» Fondunıñ Razumkov merkezi ile birlikte keçirgen umummilliy sorav neticelerine köre, saylayıcılarnıñ aman-aman 80 fayızı rey berecek ola. Bunı UNİAN agentligi bildire.
Ukraina tış işler Nazirliginiñ malümatına köre, çetelde Ukraina prezidenti saylavlarında tahminen 400 biñ memleket vatandaşı iştirak etecek.
Ukraina saylayıcılar komitetiniñ tahminlerine köre, prezident saylavları künü saylav bölükleriniñ beş fayızı açılmaması mümkün, çünki Ukraina şarqındaki vilâyetlerde vaziyet kergin qalmaqta.
Ukraina prezidenti vazifesine 17 adam namzet kösterdi. Esas raqipler Pötr Poroşenko ve «Batkivşçina» firqasınıñ lideri Yuliya Timoşenko oldılar.
Avropa Birligi Ukrainada OSCE biñ nezaretçiden ibaret olğan missiyasınıñ maliye yardımını eki qat – beş milliondan 10 millionğa qadar – arttırdı. Aynı vaqıtta, Ukraina merkeziy saylav komissiyasınıñ malümatına köre, qayd etilgen resmiy közeticiler sayısı tahminen 2200 – 1950 halqara teşkilâtlarnıñ vekilleri ve tahminen 250 kişi – çetel memleketlerinden.
