İyünniñ 26-nda Qırımtatar Milliy Bayraq künü qayd etile. Bunıñ aqqında Qırımtatar Milliy Meclis reisi Refat Çubarov Facebook saifesinde yazdı.
"Muvaqqat işğal etilgen Qırımda Qırımtatar Milliy Bayraq künü arfesinde qırımtatar miliy areketiniñ faallerine, şu cümleden Milliy Meclis azalarına Rusiye ceza organları tarafından kütleviy şekilde "tenbi vesiqaları" berildi. Vesiqalarda, Bayraq künü munasebeti ile tedbirlerniñ keçirilüvi içün mesüliyetke celp etilecekleri aqqında yazıla", - dep haber etti Çubarov.
Onıñ sözlerine köre, Rusiye akimiyeti tarafından taqiplerge baqmadan, iyünniñ 26-nda bütün Qırım boyunca qırımtatar miliy bayraqları yelpireycek ve bu "qırımtatar halqı boysunmaz ve Ukrayina devletine sadıq" olğanını timasal etecek.
Çubarov Facebook saifesinde iyünniñ 26-nda Kıyivde keçirilecek tedbirlerniñ cedvelini yayınladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
