Link açıqlığı

Rusiye prezidenti Vladimir Putin bugün rusiyeliler ile «canlı bağnı» keçirecek, onıñ devamında vatandaşlarnıñ suallerine cevap berecek.

Bunı Rusiye prezidentiniñ matbuat-kâtibi Dmitriy Peskov bildirdi. Onıñ aytqanına köre, muzakereniñ eñ müim mevzusı Qırım olacaqtır.

Böyle «canlı bağ» endi 12-nci sefer ötkerile. Rusiye prezidentine endi tahminen 2 million sual keldi.

«İnsanlar öyle de aytalar: Qırım içün sağ oluñ! Çoqusı destek teklif etip, Keriç boğazından köpürniñ qurulışı içün maddiy yardımnı köstermek istegini bildireler», – dedi Peskov.

Peskovnıñ fikrince, Putin Ğarpnıñ Rusiyege qarşı cezalarına da qıymet kesecek.

«İç şübem yoqtır ki, Putin Avropa paytahtılarında ve AQŞ-da qabul olunğan cezaralarğa da öz fikrini bildirir», – qayd etti Peskov.

Putinniñ «canlı bağı»nıñ Qırım ve Aqyar içün nomeri +7-495-539-24-42.

«Vladimir Putin ile canlı bağ»nıñ yayınlavnı «Pervıy», «Rossiya 1», «Rossiya 24» telekanalları, «Mayak», «Vesti FM» ve «Radio Rossii» radioları alıp baracaq.
XS
SM
MD
LG