Qırımtatar halqı lideri, Ukraina halq deputatı Mustafa Cemilev bugün İslam İttifağı Teşkilâtınıñ (İİT) baş kâtibi İyad ben Amin Madani ile körüşecek. Bunı Meclisniñ matbuat-hızmeti bildire. Körüşüv Teşkilâtnıñ ştabı yerleşken Cidda şeerinde keçirilecek.
Meclisniñ malümatına köre, Cemilev Cidda şeerinde aprel 8-nden berli buluna, tünevin o Mekkege yol aldı. Muqqades topraqta, Aslan Ömer Qırımlı ve Rustem Ümerov ile birlikte ümreni eda etecek.
Mart 15 künü Meclis İslam İttifağı Teşkilâtınıñ baş kâtibi İyad ben Amin Madaniniñ adına mektüp yolladı. Meclis, büyük musulman devletler birleşmesine öz itibarını qullanıp, Ukrainadaki inqiraznı al etmek içün barışıq usullarnı bulmağa yardım soradı.
İİT öz nevbetinde soñki vaqialardan sebep, Qırım musulmanlarınıñ telükesizlik meselesinen ğayet raatsız olğanını bildirgen edi.
Bunen beraber, XXI-nci asırda «konstruktiv dialog ve eyi qomşulıq munasebetleri halqara cemaatçılıq azaları içün şart olmalı».
Meclisniñ malümatına köre, Cemilev Cidda şeerinde aprel 8-nden berli buluna, tünevin o Mekkege yol aldı. Muqqades topraqta, Aslan Ömer Qırımlı ve Rustem Ümerov ile birlikte ümreni eda etecek.
Mart 15 künü Meclis İslam İttifağı Teşkilâtınıñ baş kâtibi İyad ben Amin Madaniniñ adına mektüp yolladı. Meclis, büyük musulman devletler birleşmesine öz itibarını qullanıp, Ukrainadaki inqiraznı al etmek içün barışıq usullarnı bulmağa yardım soradı.
İİT öz nevbetinde soñki vaqialardan sebep, Qırım musulmanlarınıñ telükesizlik meselesinen ğayet raatsız olğanını bildirgen edi.
Bunen beraber, XXI-nci asırda «konstruktiv dialog ve eyi qomşulıq munasebetleri halqara cemaatçılıq azaları içün şart olmalı».
