Link açıqlığı

Qırımtatar halqınıñ lideri Mustafa Cemilev bugün Nyü-York şeerinde Birleşken milletler teşkilâtı telükesizlik şurasınınıñ toplaşuvında iştirak etecek.

Bunı Qırımtatar Milliy Meclisiniñ matbuat hızmeti bildirdi.

Cemilev Amerika Qoşma Ştatlarında Ukraina elçisi Oleksandr Motsik, senator Con Makkeyn, Vekiller Palatasınıñ spikeri Con Beyner, AQM qırımtatar cemiyetiniñ temsilcilerinen körüşecek. Bundan ğayrı, halqara barışıq içün Karnegi Fondunda çıqışta bulunacaq.

Bundan evel Cemilev qırımtatarlar Qırımnıñ kelecegini özleri keçirecek referendumda belgileycegini ilân etti.

Cumaertesi künü, martnıñ 29-da, qırımtatar halqı Qurultayınıñ nevbetten tış ekinci sessiyasında yarımadada milliy-territorial muhtariyetni meydanğa ketirmek qararı qabul etildi. Meclis reisi Refat Çubarovnıñ aytqanına köre, halq iradesini köstermege kerek olsa, qırımtatarlar referendum keçirecekler.
XS
SM
MD
LG