Budapeştte Dunay özeninde kruiz layneri kezinti kateriniñ çatışqanınıñ endi 19 qurbanı oldı. Bu aqta Macaristan polisine esaslanıp Associated Press bildire, dep yaza Azatlıq Radiosı.
İyün 6-sında Budapestte Cenübiy Koreyadan qadınnıñ cesedi tapıldı, Yerd şeerinde ise ekipaj azası olğan bir macarnıñ cesedi tapıldı. Bundan evel eki Cenübiy Koreya vatandaşınıñ naaşı tapılğan edi.
Daa doquz adamnıñ taqdiri alâ daa belli degil.
Mayıs 29-ında aqşam Dunayda Margit köprüniñ ögünde eki özen gemisi çatıştı. “Rusalka” küçük özen kezinti katerinde 35 adam edi (gemi kapitanı ve matrosı (macarlar) ve Cenübiy Koreyadan 33 yolcu), “Viking” büyük kruiz laynerinen çatışqan soñ o pek tez, 7 saniyede batıp ketti. Cenübiy Koreyanıñ yedi vatandaşı sağ qaldı. Daa üç yolcunı Budapestte Ladmanyoşi köpründen üç kilometr uzaqlığında taptılar.
Macaristan paytahtı Budapestte mahkeme, Ukraina vatandaşı olğan kruiz gemisiniñ kapitanını tevqif etmege qarar aldı.
