Link açıqlığı

Saatnıñ esas haberi

Budapeşt memorandumı qarşılığında özek silâsını berüv "aqılsızlıq ve mesüliyetsizlik" edi — Zelenskıy


Volodımır Zelenskıy
Volodımır Zelenskıy

Budapeşt memorandumı içün özek silâsını berüv "tamamınen aqılsızlıq, mantıqsızlıq ve mesüliyetsizlik" edi, dep bildirdi Ukrayina prezidenti Volodımır Zelenskıy Il Foglio gazetine bergen intervyüsında.

"Eger men özek silâsını deñiştirse edim, onı pek küçlü bir şeyge deñiştirir edim, er angi ücümcni, onıñ büyükligine, territoriyasına, ordusına ve ilâhre baqmadan, toqtatmaq mümkün edi. Bu ise küçlü ordu ve telükesizlik bloku. Bu sebepten, menimce, böyle deñişmeler yapmaq aqılsızlıq, mantıqsızlıq ve mesüliyetsizlik edi", — dep bildirid Zelenskıy.

ABD prezidenti Donald Tramp ile Budapeşt memorandumını muzakere ettimi yoqmı sualine devlet yolbaşçısı: "Biz Budapeşt memorandumı aqqında laf ettik, ve o (Donald Tramp) menim noqta-i nazarımnı eşitti. Menim noqta-i nazarım, bazı adımlarğa riayetkârlıqtan farqlıdır. Menimce, bunı ne Ukrayinağa, ne de Avropağa yapmaq mümkün degil edi, kerçekten".

Onıñ fikrince, "çzek silâsından vazgeçmek yerine, NATO azası olmaq kerek".

"O vaqıt Amerika ve Rusiye siyasetçileri birleşip, Ukrayinanı özek silâsını bermege mecbur etken olsalar, bunı iç bir şeyge deñiştirmemekk eñ azından telükeli edi. Telükesizlik kefaletlerine deñiştirmek kerek edi, o vaqıt tek NATO edi. Doğrusını aytqanda, bugün de tek NATO", — dep qayd etti Zelenskıy.

Ukrayina prezidenti añlattı ki, "barış vaqtında telükesizlikniñ yekâne kefaleti NATO azasılığıdır, cenk vaqtında ise — quvetli ordudır".

1994 senesi Ukrayina özek silâsından vazgeçti. Bundan soñ Ukrayina, ABŞ, Rusiye ve Büyük Britaniya, Ukrayinanıñ Özek silânıñ tarqatılmaması aqqında añlaşmağa qoşulması sebebinden telükesizlik kefaletleri aqqında Memorandum tizdiler (Budapeşt memorandumı). O, Ukrayinağa onıñ suvereniteti ve havfsızlığı kefaletlerini bergen maddelerni taşıy.

Amma 2014 senesi Ukrayina telükesizliginiñ kefaletçilerinden biri olğan Rusiye bu vesiqanı ve halqara uquqnı körmemezlikke urdı ve gibrid cenkni, 2022 senesi ise tam mıqyaslı istilânı başlattı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG