Ukrayina arbiyleri zayıflaştırmaq ve bütün mudafaa safında teşik yapmak içün Qırımğa darbeler endire. Bunı Ukrayina Baş istihbarat idaresiniñ yolbaşçısı Kırılo Budanov bildirdi.
"Ava mudafaası sistemaları pek paalıdır, olarnı yapmaq içün vaqıt kerek, çünki bütün levazim ya da Ukrayinağa qarşı cekte qullanıla, ya da Moskvanı mudafaa ete. Olar er yerden Ava mudafaası sistemalarını alıp qoydılar", - dep qayd etti Budanov.
Ekinci sebep,Ukrayina arbiyleri yalıñz Qırımda degil, umumen Rusiye Ava mudafaası sistemasında teşikler yapa eken.
Jurnalistlerniñ "Ukrayinanıñ Rusiye ava mudafaasındaki bu teşkiler Moskvağa darbe endirmek içün qullanıp qullanmağanı" sealine Budanov olar bu kibi ücümlerni bir kere bile resmiy olaraq tasdıqlamağanlarını ayttı.
Jurnalistin “Ukraynanın Moskvaya hücum etmək üçün Rusiyanın hava hücumundan müdafiə sistemindəki bu dəliklərdən istifadə edib-etmədiyi” sualına cavab olaraq, Budanov bu cür hücumları heç vaxt rəsmən təsdiqləmədiyini bildirib.
Sentâbrniñ 22-nde kündüz işğal altındaki Aqyarda bir qaç patlav aqqında haber etildi. Şeerniñ Rusiye valisi Mihail Razvojayev Telegramda Rusiye Qara deñiz flotunıñ ştabına raketa darbesi endirildi, dep haber etti.
Rusiye Mudafaa nazirligi darbeden soñ bir arbiy ğayıp oldı, ava mudafaa quvetleri beş raketa urıp tüşürgen, dep bildirdi. Aynı vaqıtta içtimaiy ağlarda darbe neticesinde altı kişi yaralandı, dep yazalar. Bu malümatnı tasdıqlaycaq resmiy bir delil yoq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
